සෞඛ්ය හා ජනමාධ්ය අමාත්යාංශය විසින් රාජ්ය ආයතන කාර්ය මණ්ඩල සුවතාවය වෙනුවෙන් පවත්වනු ලබන “ආරෝග්යා” ජංගම සුව සායන වැඩසටහනේ තවත් එක් වැඩසටහනක් ජනාධිපති කාර්යාලයේ සමස්ත කාර්ය මණ්ඩලය වෙනුවෙන් (18) දින පැවැත්විණි. ඒ ජනාධිපති කාර්යාලයේ වාර්ටඩි හා සෙමා ගොඩනැගිලි පරිශ්රයන් හීදී ය.
සෞඛ්ය හා ජනමාධ්ය අමාත්යාංශයේ මඟපෙන්වීම හා සම්පත් දායකත්වයෙන් සුවපත් රටක් උදෙසා “Healthy Sri Lanka” යන තේමාව යටතේ පැවැති මෙම “ආරෝග්යා” ජංගම සුව සායනයේ සංවිධාන කටයුතු ජනාධිපති කාර්යාලයේ සුබසාධක සංගමය විසින් සිදු කරනු ලැබීය.
මෙම ජංගම සායනය තුළින් බටහිර වෛද්ය සායනය, අක්ෂි සායනය, දේහ ස්කන්ධ දර්ශකය පරීක්ෂා කිරීම, නිදර්ශක ලබා ගැනීම, රසායනාගාර සේවා, රුධිර පීඩනය මැනීම, දන්ත සායනය, රුධිර සීනි පරීක්ෂාව, කොලස්ටරෝල් පරීක්ෂාව, සුවනාරි සායනය, ආයුර්වේද වෛද්ය සායනය, මානසික උපදේශක සේවා, ඖෂධ ලබාදීම, සහ පෝෂණවේදී උපදෙස් ලබාදීම සහ නොමිලේ ඖෂධ ලබාදීමට ද සිදු කෙරුණ අතර, සායන සේවා ලබා ගැනීම සඳහා ජනාධිපති කාර්යාලයේ කාර්ය මණ්ඩලයේ විශාල පිරිසක් එක්ව සිටීම විශේෂත්වයක් විය.